Urimet e Papës për Krishtlindje, pas Mesazhit Urbi et Orbi
Ju, të dashur vëllezër e motra, ardhur nga të katër anët e botës në këtë Shesh dhe
të gjithë atyre që, nga vende të ndryshme, janë të lidhur përmes mjeteve të komunikimit,
ju drejtoj urimin tim: Gëzuar Krishtlindjen! Në këtë ditë të ndriçuar nga shpresa
ungjillore, që vjen nga Shpella e pëvuajtur e Betlehemit, i lypi Zotit dhuratën e
gëzimit e të paqes së Krishtlindjes për të gjithë; për fëmijët e pleqtë, të rinjtë
e familjet, të varfërit e të shtypurit. Jezusi, i lindur për ne, i ngushëlloftë ata,
që janë të vënë në provë nga sëmundja e vuajtja: i ndihmoftë ata, që ia kushtojnë
jetën shërbimit të vëllezërve më nevojtarë. Për shumë vjet Krishtlindjen!