ՀՀ Սփիւռքի նախարար տիկին Հրանուշ Յակոբեանի Սուրբ Ծննդեան շնորհաւորագիրը Ռատիովատիկանի
Հայկական բաժնի տնօրէնութեան
ՀՀ Սփիւռքի նախարար տիկին Հրանուշ Յակոբեանի Ռատիովատիկանի Հայկական բաժնի տնօրէնութեան
ուղղեց հետեւեալ շնորհաւորագիրը`
Ջերմորեն շնորհավորում եմ Ձեզ Ամանորի և Սուրբ
Ծննդյան տոների առթիվ և մաղթում, որ 2014 թվականը լինի կայունության, վերելքների ու բոլոր
սպասումների իրականացման տարի: Թանկագին ազգակիցներ, վստահ եմ, որ 2014 թվականին
Ձեր հայանպաստ ու հայրենանվեր գործունեությամբ, Ձեր նվիրումով ու միասնական գործակցությամբ
էլ ավելի կզորանա Սփյուռքը, և կյանքի կկոչվեն բազում հայանպաստ ձեռնարկներ: Համոզված
եմ, որ տարբեր ոլորտներում մեր ջանքերը ևս պետք է ուղղորդենք Սիրիայում պատերազմից տուժած
մեր հայրենակիցների աջակցությանը և մաղթենք, որպեսզի օր առաջ խաղաղություն տիրի, և սիրիահայությունը
վերագտնի իր հոգեկան անդորրը: Կարծում եմ, որ Նոր տարին կլինի զբոսաշրջության զարգացման
բուռն տարի, և Հայրենիք չայցելած յուրաքանչյուր հայ կգա և Ցեղասպանության 100-րդ տարելիցի
նախաշեմին իր գլուխը կխոնարհի անմեղ զոհերի հիշատակի առջև: Հայրենիքը կանչում է Ձեզ
և սպասում: Թող աշխարհում խաղաղություն լինի, ու հանդուրժողականությունը համատարած
համակի բոլորիս, թող սերն ու երջանկությունն ուղեկցեն ամենքին և ամենուր: Մաղթում
եմ Ձեզ երկարակեցություն, հոգու մշտատև զվարթություն, ոգու զորացում՝ Սփյուռքում իրականացնելու
դժվարին, սակայն պատվաբեր ու ազգանպաստ Ձեր առաքելությունը: Թող գալիք տարին Հայրենիքի
և Սփյուռքի համար լինի համազգային նպատակների իրականացման, նվաճումների և նորանոր ձեռքբերումների
տարի: Թող Սուրբ Ծննդյան լույսն առաջնորդի աշխարհասփյուռ հայությանը՝ ի շենացումն
Հայոց պետության և զորացումն բովանդակ Սփյուռքի: Լավագույն մաղթանքներով՝ ՀՐԱՆՈՒՇ
ՀԱԿՈԲՅԱՆ