Вечарам 23 снежня
2013 г. папа Францішак наведаў Бэнэдыкта XVI, каб асабіста скласці віншаванні з нагоды
надыходзячых святаў Божага Нараджэння. Папа на пенсіі сустрэў Пантыфіка пры ўваходзе
ў сваю рэзідэнцыю – былы кляштар “Mater Ecclesiae”, які знаходзіцца на тэрыторыі ватыканскіх
садоў. Затым яны супольна памаліліся ў капліцы і правялі прыватную размову якая працягвалася
каля поўгадзіны. Францішак, якога суправаджалі яго асабістыя сакратары, прывітаў асобаў
дапамагаючых Папе на пенсіі: арцыбіскупа Георга Генсвайна, а таксама некаторых законніц
і свецкіх вернікаў. Візіт працягваўся каля 45 хвілін.