Францішак перад святамі: вызваліць месца для Езуса, а не для мітусні
Перад святамі Божага
Нараджэння папа Францішак заклікаў браць прыклад з Панны Марыі і даць месца Езусу,
які надыходзіць. Падчас ранішняй Эўхарыстыі ў Доме св. Марты 23 снежня 2013 г., Францішак
параўнаў Касцёл з Марыяй, якая чакала нараджэння свайго Сына. Яна, паводле Святога
Айца, мела тыя самыя клопаты, праблемы і жаданні, якія маюць усе жанчыны перад такім
момантам: Маці Божая ўсім сэрцам хацела паглядзець ў аблічча свайго Дзіця, а мы, як
Касцёл, суправаджаем яе ў гэтым чаканні і жадаем прыспешыць Божае Нараджэнне. Францішак
заклікаў чуваць і зрабіць уласнай малітву: “Прыйдзі, Пане”. Хрысціян, паводле Святога
Айца, павінен заўсёды жыць у чуванні Яго надыходу. Пастаяннае чуванне, на думку Пантыфіка,
з’яўляецца “цнотай” пілігрымаў, якімі мы ўсе з’яўляемся. У ім, на думку Францішка,
важна не закрывацца, нібыта павесіўшы на дзверы таблічку з просьбай “Не турбаваць”,
але адкрыцца на надыход Збаўцы. Папа заклікаў вернікаў у першую чаргу вызваліць месца
для сустрэчы з Езусам, а не для шумнага святкавання, закупаў і мітусні.