Святы Айцец заклікаў дыпламатаў жыць таямніцай любові
Быць заўсёды на службе
“культуры сустрэчы”, заклікаў Святы Айцец італьянскіх дыпламатаў, з якімі сустрэўся
ў Ватыкане 20 снежня 2013 г. раніцай. На думку Папы, Італія мае вельмі вялікі прыярытэт,
які павінна выкарыстаць – сваю культурную спадчыну, дзякуючы якой нават не-хрысціяне
могуць пачуць пасланне Хрыстовага Нараджэння. Пантыфік нагадаў, што праца дыпламатаў
служыць таму, каб прадстаўнікі краін, міжнародных арганізацый і ўстаноў маглі сабрацца
разам найбольш адпаведным чынам. Толькі такія сустрэчы могуць прычыніцца да “росту
пазітыўных адносін на аснове ўзаемаразумення, павагі, агульнага пошуку шляхоў развіцця
і міру”, падкрэсліў ён.
Італія, адзначыў Святы Айцец, заўсёды была сінонімам
культуры, мастацтва і цывілізацыі. Ён заклікаў дыпламатаў выкарыстаць гэта для будавання
агульнага дабра і цывілізацыі любові. Пантыфік пажадаў сабраным самім “жыць інтэнсіўна
таямніцай любові”, якая аб’явілася ў Божым Нараджэнні, і выкарстоўваць гэта ў дыпламатычным
служэнні.