Пантыфік да дзяцей: Нараджэнне Езуса – гэта не байка
20 снежня 2013 г.
Папа сустрэўся з дзецьмі італьянскага аддзялення руху “Каталіцкая акцыя”. “Нараджэнне
Езуса – не байка! Гэта рэальная гісторыя, якая адбылася ў Бэтлееме дзве тысячы гадоў
таму”, - падкрэсліў Святы Айцец і дадаў, што маленькі Езус “дэманструе вернасць і
пяшчоту бязмежнай любові, якой Бог акружае кожнага з нас”. Пантыфік нагадаў дзецям,
што Езус любіць іх і “хоча сябраваць”. Ён заклікаў несці радасць Божага Нараджэння
дамоў, у касцёл, школу, сябрам і нагадаў, што сапраўдны хрысціянін, гэта той, хто
гатовы працягнуць руку дапамогі тым, хто ў гэтым мае патрэбу, хто не асуджае іншых,
а моліцца за іх.