''Աստուած մեզ երբե՛ք մինակ չի թողուր, միշտ մեզի կ՛ընկերանայ'' ըսաւ Քահանայապետը իր
քարոզին մէջ։
Իր տարեդարձին օրը, երեքշաբթի 17 դեկտեմբերի առաւօտեան, Ֆրանչիսկոս Քահանայապետը ուզեց
սուրբ պատարագը մատուցել Տոմուս Սանթա Մարթայի մէջ բնակող հասարակութեան ներկայութեամբ։
Ֆրանչիսկոս Քահանայապետին հետ համապատարագեց Կարտինալական դասի աւագերէցը Կարտինալ Անճելօ
Սոտանոն` որպէս կարտինալական դասի ներկայացուցիչ։ Սուրբ Զոհի աւարտին Նորին Սրբութիւնը մի առ մի ողջունեց ներկաները, ապա Վատիկանի Պետական Քարտուղար` գերապայծառ Փարոլինը, Պետական քարտուղարութեան անձնակազմի անունով շնորհաւորեց Ֆրանչիսկոս Պապի տարեդարձը։ Նոյնը ըրաւ նաեւ Քահանայապետի Ողորմնաբաշխը` գերապայծառ Քոնրատ Քրաեւսքին։ Ապա բոլոր ներկաները Սրբազան Քահանայապետի հետ միասին մասնակցեցան նախաճաշին։
Պատարագի ընթացքին արտասանած իր քարոզին մէջ Սրբազան Քահանայապետը հաստատաեց թէ ''Աստուած մեզ երբեք մինակ չի թողուր, միշտ մեզի կ՛ընկերանայ''։ Սկզբնական մեղքէն ետք - ըսաւ Ան - Աստուած յղացաւ այս գաղափարը` ''մեզի ընկերանալ''։ Սկսեալ Աբրահամէն, Իսահակէն, Յակոբոս, Յուդայ...Աստուած կ՛ընթանայ իր ժողովուրդին հետ պատմութեան մէջ։
Ան` մեր Աստուածը, մեր հետ կերտեց պատմութիւնը։ Սստուծոյ ուրախութիւնը կը կայանայ մեր հետ բաժնեկցելով կեանքը։
Հիմա որ Սուրբ Ծնունդին կը մօտենանք - յարեց Նորին Սրբութիւնը քարոզի աւարտին - մտածենք` ''եթէ Աստուած ուզեց մեր պատմութեան մաս կազմել, եթէ ուզեց մեր հետ գրել պատմութիւնը, առ նուազն թոյլ տանք որ այժմ ինք գրէ մեր պատմութիւնը'' որ Սրբութեան կը տանի։
Հայցենք Տիրոջմէ այս շնորհքը - ըսաւ Քահանայապետը - քարոզը եզրափակելով։
| All the contents on this site are copyrighted ©. |