Пантыфік атрымаў на Дзень нараджэння торт з 77 свечкамі
Папа Францішак атрымаў
14 снежня 2013 г. – за некалькі дзён перад сваім 77-м Днём нараджэння, які ён адзначыць
17 снежня – верагодна, самы прыгожы падарунак, паведаміла ватыканская газета “L’Osservatore
Romano”. Падрыхтавалі яго дзеці, якімі апякуецца дыспансэр св. Марты ў Ватыкане. Пантыфік
наведаў у суботу ватыканскую дабрачынную ўстанову. Гэта былі дзевяць белых каробак
з надпісамі, якія апісвалі змесціва: любоў, прастата, радасць, беднасць, шчасце, надзея,
шчодрасць, слодыч, пакора. Дзеці паставілі каробкі перад Папам як цагліны, адну на
другую, утвараючы сцяну. Тады павольна павярнулі яе і паказаўся вялікі партрэт папы
Францішка з усмешкай на твары са словамі “Усяго найлепшага”.
І пакуль Святы
Айцец разглядаў старанна падрыхтаваную кампазіцыю, як з ніадкуль з’явіўся сапраўдны
сюрпрыз – вялікі торт, які вывезлі самі дзеці. Папа сабраў іх усіх вакол сябе і як
дзядуля з унукамі палічыў да трох і запрасіў згасіць 77 запаленых на торце свечак.
Перад гэтай сустрэчай, якая адбылася ў Зале Паўла VI, Пантыфік наведаў памяшканне,
дзе знаходзіцца дыспансэр св. Марты.