Пантыфік падзякаваў баварцам за ёлку для плошчы св. Пятра
13 снежня 2013 г.
увечары на плошчы св. Пятра адбудзецца ўрачыстая інаўгурацыя святочнай ёлкі і “прэм’ернае”
уключэнне ілюмінацыі на ёй. У першай палове дня папа Францішак сустрэўся з вялікай
баварскай дэлегацыяй, якая прыбыла на гэту ўрачыстую цырымонію. Святочнае дрэва сёлета
было ахвяравана Пантыфіку ўладамі і жыхарамі нямецкага горада Вальдмюнхен. Гэты жэст
Святы Айцец успрыняў, як знак духоўнай блізкасць і сяброўства, якія звязваюць Германію,
асабліва Баварыю, і Святы Пасад. Ён паабяцаў малітву за хрысціянскія супольнасці ў
краіне і ўвесь нямецкі народ і пажадаў, каб яны сустрэлі Божае Нараджэнне са спакоем
Пана ў сэрцы. Францішак нагадаў, што Езус і сёння працягвае развейваць цемру памылак
і грахоў, каб прынесці чалавецтву радасць Божага спакою, знакам і напамін чаго з’яўляецца
святочная ёлка. Святы Айцец пажадаў баварскім пілігрымам добрага Божага Нараджэння
і адкрытасці на святло ісціны Хрыста, які нарадзіўся для кожнага.