12 դեկտեմբեր 2012-ին, Պենետիկտոս ԺԶ վաստակաւոր Քահանայապետը, Քահանայապետական @pontifex
թուիթերեան կայքի վրայ կը հրատարկէր առաջին թուիթը` ''Սիրելի բարեկամներ մեծ ուրախութեամբ
ձեզի կը միանամ թուիթերի ցանցին մէջ։ Շնորհակալ եմ ձեր վեհանձն պատասխանին։ Բոլորդ սրտնաց
կ՛օրհնեմ'' ։ Սկզբնական շրջանին թուիթները հրատարակուեցան չորեքշաբթի օրուայ հրապարակային
ունկնդրութեան առթիւ, ապա անոնք սկսան հրատարակուիլ ամենօրեայ հերթականութեամբ։ Թուիթները
կը հրատարակուին 9 լեզուներով` Իտալերէն, ֆրանսերէն, Անգլերէն, Սպաներէն, Գերմաներէն,
Փորթուկալերէն, Լեհերէն, Արաբերէն եւ 2013-ի` 17 յունուարէն սկսեալ նաեւ Լատիներէն։ Պենետիկտոս
ԺԶ վաստակաւոր քահանայպետի քահանայապետութեան վերջին օրը թուիթերեան կայքի հետեւորդներուն
աւելցան 3 միլիոն 300 հետեւորնեդներ ու ապա կայքի գործունէութիւնը դադրեցաւ մինչեւ նոր
Քահանայապետի ընտրութիւնը ու վերսկսաւ գործել 17 մարտ 2013-ին։ Անցեալ 26 հոկտեմբերին
Ֆրանչիսկոս Քահանայապետը կը գրէր` ''Սիրելի հետեւորդներ, իմացայ թէ արդէն 10 միլիոնի
հասած էք։ Սրտանց շնորհակալ եմ ու կը խնդրեմ որ շարունակէք աղօթել ինծի համար''։ Քահանայապետական
ընկերային հաղորդակցութեան միջոցներու խորհուրդի նախագահ` գերապայծառ Գլաուտիօ Մարիա
Չելլիի գնահատումով` ''հոգեւոր ապաանապատականացումի երեւոյթին ի տես` Սրբազան Քահանայապետի
թուիթները կը հասնին աւելի քան 60 միլիոն անհատներու''։ Յայտնենք որ Քահանայապետական
թուիթերեան կայքի հետեւորդներու թիւը գերազանցած է արդէն 11 միլիոնը