Սուրիոյ Ազգային Հաշտութեան» Յանձնախումբը կ’այցելէ Դամասկոսի Առաջնորդարան
Երկուշաբթի, 9 Դեկտեմբեր 2013-ին, Սուրիոյ Արաբական Հանրապետութեան Խորհրդարանի «Սուրիոյ
ազգային հաշտութեան» յանձնախումբի պատգամաւոր երեսփոխաններ, այցելեցին Դամասկոսի Ազգային
Առաջնորդարան: Այս մասին կը հաղորդէ Դամասկոսի Ս. Սագիս եկեղեցւոյ դիմատերտի էջը: Ազգ.
Առաջնորդարանի դահլիճին մէջ հիւրերուն ընդունեց Դամասկոսի Հայոց Թեմի Առաջնորդ՝ Տ. Արմաշ
Եպս. Նալպանտեանը: Երեսփոխանները հանդիպման ընթացքին յայտնեցին իրենց ցաւակցութիւնները
11 Նոյեմբերին, հրթիռի պայթումին պատճառով նահատակուած աշակերտներուն համար, խստօրէն
դատապարտելով վայրագ ահաբեկչութիւնը: Տ. Արմաշ Սրբազան իր հերթին շնորհակալութիւն յայտնեց
այս ազնիւ այցելութեան եւ կարեկցանքին համար: Այնուհետեւ ներկաները հաստատեցին Սուրիոյ
մէջ ժողովուրդներու, կրօնքներու եւ մշակոյթներու համակեցութեան իրականութիւնը, զոր սուրիական
ինքնութիւնն է: