У базыліцы св. Паўла за Мурамі з’явілася мазаіка папы Францішка
Цяпер і папа Францішак
мае сваю мазаічную выяву ў базыліцы св. Паўла за Мурамі. У адной з чатырох галоўных
святынь Каталіцкага Касцёла 9 снежня 2013 г. быў змешчаны круглы мазаічны партрэт
Пантыфіка. На ім Святы Айцец прадстаўлены ў арнаце з паліем. Выява была зроблена ў
ватыканскай студыі мазаікі. Партрэт папы Францішка, такім чынам, віднеецца апошнім
у знакамітай галерэі мазаік, якія дэманструюць усіх Рымскіх Пантыфікаў ад Пятра да
нашых дзён. Усе мазаікі размешчаны ў спецыяльных медальёнах па ўнутраным перыметры
базылікі. На дадзены момант пустымі засталіся толькі некалькі з іх. Новы мазаічны
партрэт быў прадстаўлены Папе ў мінулую сераду пасля агульнай аўдыенцыі на плошчы
св. Пятра.