Заснавальнік каталіцкай супольнасці аб “маўклівай апазіцыі” да Папы
Ад “маўклівай апазіцыі”
адносна ініцыятыў папы Францішка ў Касцёле перасцярог вядомы каталіцкі дзеяч, заснавальнік
супольнасці св. Эгідзія, прафесар Андрэа Рыкардзі. На яго думку, не можна “мінімалізаваць”
таго новага, што ўносіць Святы Айцец у жыццё Каталіцкага Касцёла, бо адносна пачынанняў
Пантыфіка сёння існуюць вялікія надзеі ў католікаў і нават няверуючых. “Існуе не толькі
адкрытая апазіцыя ў так званым традыцыяналісцкім сектары, - заявіў ён - ёсць таксама
маўклівая апазіцыя тых, хто (...) на навучанне і прыклад Францішка рэагуе, кажучы:
мы даўно ўжо гэта робім, мы гаворым ад дзесяцігоддзяў аб евангелізацыі, мы даўно выходзім
на вуліцы з касцёлаў”, - заўважыў Рыкардзі ў інтэрв’ю “Vatican insider”. Гэтыя людзі,
на яго думку, не разумеюць, што “Францішак хоча пачаць новую гісторыю разам” і зрабіць
свет лепшым.
Усе без выключэння ў Касцёле маюць патрэбу ў асабісатай змене,
і “гэта не толькі праблема вярхоў”, - лічыць пафесар. Корань праблем у Касцёле і ў
прыватнасці апазіцыі да папы Францішка, заснавальнік адной з найбуйнешых у свеце каталіцкіх
арганізацый бачыць у тым, што еўрапейцы “стаміліся” змяняць свет, а іх найбольшай
праблемай стала памяншэнне заробкаў. У адказ на гэта, звярнуў увагу Рыкардзі, “пажылы
Папа” спрабуе змяніць свет з Евангеллем.