Պենետիկտոս ԺԶ Քահանայապետին շնորհուած է մրցանակ մը անոր ''մարդու ի նպաստ տնտեսութեան զարգացումին'' տածած աշխատանքին համար։

''Էդիքա'' հիմնարկը Պենետիկտոս ԺԶ վաստակաւոր Քահանայապետի եւ Արդարութիւն ու խաղաղութիւն քահանայապետական խորհուրդին շնորհած է մրցանակ մը անոնց տածած աշխատանքին համար ''մարդու ի սպաս տնտեսութեան եւ ֆինանսաւորումի զարգացումին''։
Յայտնենք որ ''Էդիքա, արժանաւորութիւն եւ արժէքներ'' ընկերակցութեան մաս կը կազմեն անձնաւորութիւններ, եկած ակատեմիայի, դրամատան ու կամաւորական աշխարհէն։
Մրցանակի տուչութիւնը տեղի ունեցաւ Հռոմի Սան Գալիսթօ Պալատին մէջ։ Արարողութեան խօսք առին, ի մէջ այլոց, Կարտինալ Թուրքսոն եւ գերապայծառ Թոզօ` Արդարութիւն եւ խաղաղութիւն քահանայապետական խորհուրդէն, կարտինալ Գոգոբալմերիօ` նախագահը կանոնագիրքի քահանայապետական խորհուրդին, գերապայծառ Բալեա` նախագահը ընտանիքի քահանայապետական խորհուրդին եւ գերապայծառ Սքոթի` նախագահը Ժոզէֆ Ռացինկեր հիմնադրամի։