Սեբաստիոյ Սուրբ Գէորգ հայկական եկեղեցին պիտի վերանորոգուի
Սեբաստիոյ (Սվազ) քաղաքը գտնուող Սուրբ Գէորգ հայկական եկեղեցին, որ Հայկական Ցեղասպանութենէն
ետք վերածուած էր զինանոցի, այժմ պիտի վերանորոգուի:Ըստ Պոլսոյ «Ակօս» թերթին կողմէ Երեքշաբթի, Դեկտեմբեր 3-ին հաղորդուած տեղեկութեան՝ այս նպատակով նահանգապետարան դիմած է Թուրքիոյ պաշտպանութեան նախարար Իսմեթ Եըլմազ, որովհետեւ եկեղեցին կը գտնուէր բանակի հակակշիռին տակ եղող տարածքի մը մէջ: Եկեղեցին այդ տարածքէն դուրս բերուած է Սվազի հայերու բարեկամներու միութեան ջանքերով ու կ՛ակնկալուի, որ վերանորոգութեան աշխատանքները սկսին յառաջիկայ գարնան:
Սվազի հայերու բարեկամներու միութեան նախագահ Սեպուհ Քոճաք շնորհակալութիւն յայտնած է Թուրքիոյ պաշտպանութեան նախարարութեան՝ իր ցուցաբերած աջակցութեան համար:
| All the contents on this site are copyrighted ©. |