Беларусь: кс. Лазара вызвалілі са следчага ізалятара КДБ
4 снежня 2013 г. раніцай
у КДБ Беларусі афіцыйна пацвердзілі вызваленне кс. Уладзіслава Лазара са следчага
ізалятара, заяўляе “БелаПАН”. Раней Апостальская нунцыятура ў Рэспубліцы Беларусь
паведаміла, што “была праінфармавана кампетэнтнымі органамі краіны аб тым, што няма
больш падставаў для далейшага ўтрымання кс. Уладзіслава Лазара ў следчым ізалятары
КДБ”. Святару была зменена мера затрымання “з заключэння пад варту на падпіску аб
нявыездзе і належных паводзінах”, - паведамілі агенцтву “БелаПАН” у прэс -службе КДБ,
хоць расследаванне крымінальнай справы працягваецца. Кс. Лазар “павінен знаходзіцца
ў пастаянным месцы, маючы свабоду перамяшчэння і дзеяння, паводле вызначаных нормаў,
з абавязкам штодзённай рэгістрацыі ў аддзяленні міліцыі”. Яму ставіцца ў віну перадача
грошай і матэрыяльных каштоўнасцяў чалавеку, які абвінавачваецца ў шпіянажы на карысць
іншай дзяржавы.