Զրոյց Երեսուն­ութերորդ – Գլուխ Գ.ԿԸ ՀԱՒԱՏԱՄ ԵԿԵՂԵՑՒՈՅՆ
ՄԻԱԿ, ՍՈՒՐԲ, ԿԱԹՈՂԻԿԷ ԵՒ ԱՌԱՔԵԼԱԿԱՆ (4)

Հարցում թիւ 133. Ինչու՞ Եկեղեցին կաթողիկէ կը կոչենք։
Կաթողիկէ (յունարէն Քաթոլոն) կը նշանակէ ընդարձակուած բոլորին (ընդհանրական)։ Եկեղեցին կաթողիկէ է, որովհետեւ Քրիստոս անոր կոչում տուած է խոստովանելու ամբողջական հաւատքը եւ պահպանելու բոլոր Խորհուրդները, որպէսզի զանոնք շնորհէ բոլորին եւ Բարի Լուրը աւետէ ամէնուն. Ան առաքուած է բոլոր ժողովուրդներուն։

Հարցում թիւ 134. Ո՞վ մաս կը կազմէ կաթողիկէ Եկեղեցւոյն։
Լիովին մաս կը կազմէ Եկեղեցւոյն այն անձը որ, միութեան մէջ ըլլալով Սրբազան Պապին եւ Եպիսկոպոսներուն հետ, կաթողիկէ հաւատքի խոստովանութեամբ եւ Խորհուրդներու ընդունելութեամբ` կը միանայ Քրիստոսի։
Աստուած ուզեց Եկեղեցի մը բոլորին համար. Դժբախտաբար, մենք` քրիստոնեաներս, հաւատրմօրէն չյարգեցինք Քրիստոսի այս փափաքը։ Եւ սակայն տակաւին իրարու հետ խորապէս միացած կը մնանք հասարակաց հաւատքով եւ մկրտութեամբ։


Զրոյց Երեսուն­ութերորդ – Գլուխ Գ.ԿԸ ՀԱՒԱՏԱՄ ԵԿԵՂԵՑՒՈՅՆ
ՄԻԱԿ, ՍՈՒՐԲ, ԿԱԹՈՂԻԿԷ ԵՒ ԱՌԱՔԵԼԱԿԱՆ (4)

Հարցում թիւ 135. Ի՞նչ է Եկեղեցւոյ յարաբերութիւնը Հրեայ ժողովուրդին հետ։
Հրեայ ժողովուրդը Աստուծոյ ընտրեալ ժողովուրդն է. Արդ աստուածային շնորհքներն ու կոչը անդառնալի են։ Աստուծոյ եւ Հրեայ ժողովուրդը միջեւ կատարուած Ուխտը յետսկոչուած չէ։ Այսպէսով` հրեաները քրիստոնեաներուն անդրանիկ եղբայրներն են, որովհետեւ Աստուած նախ զիրենք սիրեց եւ ամէնէն առաջ` իրենց խօսեցաւ։ Յիսուս­մարդը հրեայ է. Ասիկա մեզ կը մօտեցնէ իրար։ Եկեղեցին սակայն կը ճանչնայ Յիսուսի մէջ կենդանի Աստուծոյ Որդին. Ասիկա մեզ կը բաժնէ։ Իրար միացած ենք Մեսիայի վերջին գալստեան սպասումին մէջ։
Մեր հաւատքը պատուաստուած է հրէական հաւատքին վրայ։ Հրէաներու Սուրբ Գիրքը, զոր կը կոչենք Հին Կտակարան, մեր Սուրբ Գրքի առաջին մասը կը կազմէ։ հրէա­քրիստոնէական պատկերը մարդուն, որուն բարոյականը կաղապարուած է տասը պատուիրաններով, հիմն է արեւմտեան ազգերու ժողովրդավարութեան։ Անընդունելի է որ, դարերու ընթացքին` քրիստոնեաները չեն ուզած յօժարիլ այս սեղմ ազգականութեանը հրէութեան հետ եւ, թեր­աստուածաբանական արդարացումներով, սնուցած են հրէութեան հանդէպ ատելութիւն մը, որ երբեմն մահացու եղած է։ Այս պատճառաւ` Յովհաննէս­Պօղոս Բ. Սրբազան Պապը յայտնապէս ներողութիւն խնդրեց 2000 Սուրբ Տարուան առթիւ։ Վատիկանեան Բ. Տիեզերական ժողովը յստակօրէն կ՛ըսէ թէ Հրէաները` որպէս ժողովուրդ, պէտք չէ ենթարկուին հաւաքական պատասխանատուութեան Յիսուսի մահուան նկատմամբ, խաչի վրայ։


Զրոյց Երեսուն­ութերորդ – Գլուխ Գ.ԿԸ ՀԱՒԱՏԱՄ ԵԿԵՂԵՑՒՈՅՆ
ՄԻԱԿ, ՍՈՒՐԲ, ԿԱԹՈՂԻԿԷ ԵՒ ԱՌԱՔԵԼԱԿԱՆ (4)


Հարցում թիւ 136. Ի՞նչ է Եկեղեցւոյ տեսակէտը միւս կրօնքներուն նկատմամբ։
Եկեղեցին կը յարգէ այն ինչ որ բարի եւ ճշմարիտ է միւս կրօնքներուն մէջ։ Ան արժէք կ՛ընծայէ եւ կը պայքարի կրօնական ազատութեան ի նպաստ, որպէս մաս կազմող մարդկային իրաւունքներուն։ Սակայն գիտէ եւ կը հաստատէ թէ Յիսուս­Քրիստոս է միակ Փրկիչը բոլոր մարդկութեան. Ան է միայն ճանապարհը, ճշմարտութիւնն ու կեանքը (Յովհաննէս 14,6)։
Այն անձը որ զԱստուած կը փնտռէ, մեզի` քրիտոնեաներուս մօտ է։ Յատկապէս Իսլամները մաս կը կազմեն մեր հոգեւոր ազգականական շրջանակին։ Հրէութեան եւ քրիստոնէութեան նման` Իսլամութիւնը միաստուածեան կրօնք մըն է։ Իսլամները կը պաշտեն ստեղծիչ Աստուածը եւ կը նկատեն Աբրահամը որպէս իրենց հայրը` հաւատքի մէջ։ Ըստ Քուրանին, Յիսուս մեծ մարգարէ մըն է եւ իր մայրը` Մարիամ, մարգարէի մայրն է։ Եկեղեցին կ՛ուսուցանէ թէ բոլոր մարդիկը որոնք, առանց իրենց յանցանքին, չեն ճանչնար Քրիստոսը եւ Եկեղեցին, այլ անկեղծօրէն զԱստուած կը փնտռեն եւ կը հետեւին իրենց խղճի ձայնին, կը ստանան յաւիտենական փրկութիւնը։ իսկ ընդհակառակը` այն որ ճանչցած է թէ Յիսուս ճանապարհ, ճշմարտութիւն եւ կեանք է, եւ չէ հետեւած անոր, անիկա պիտի չի գտնէ փրկութիւնը ուրիշ ճամբաներով։ Նախադասութիւնը որ կ՛ըսէ ՙExtra Ecclesiam nulla salus՚, այսինքն` Եկեղեցիէն դուրս` փրկութիւն չկայ, այսպէս կը բացատրուի։