Святы Айцец наведае
21 снежня 2013 г. ватыканскую дзіцячую бальніцу “Bambino Gesu” у Рыме. Пра гэта паведаміў
Дзяржсакратар Яго Святасці Папы арцыбіскуп Пьетра Паралін 2 снежня ўвечары на дабрачынным
канцэрце ў Ватыкане, арганізаваным для дапамогі шпіталю. Сярод выступаючых на ім быў
сусветнавядомы італьянскі спявак Андрэа Бачэлі . З сабраных сродкаў будзе закуплена
новае абсталяванне для аддзялення кардыяхірургіі. “Bambino Gesu” лічыцца адной з лепшых
дзіцячых бальніц Італіі. Гэта адзіны падпарадкаваны непасрэдна Ватыкану шпіталь. У
клініцы працуе адзінае аддзяленне інтэнсіўнай тэрапіі для дзіцячай кардыяхірургіі
ў цэнтральнай Італіі. Штогод у ім лечацца каля 600 дзяцей.