ՀՀ նախագահ Սերժ Սարգսեան 2 դեկտեբմբերին Երեւանի մէջ ներկայ գտնուած է հայ եւ ռուս ժողովուրդներու
բարեկամութեան ինքնատիպ խորհրդանիշ հանդիսացող «Միացեալ Խաչ» յուշարձանի բացման արարողութեան:
Այս մասին կը յայտնեն ՀՀ նախագահի մամուլի գրասենեակէն: Յուշարձանը բացած են հայ-ռուսական
միջկառավարական յանձնաժողովի համանախագահներ` ՀՀ վարչապետ Տիգրան Սարգսեանն ու ՌԴ փոխադրամիջոցի
նախարար Մաքսիմ Սոգոլովը: Յուշարձանի նոյնատիպը, որուն պատուանդանին փորագրուած է`
«Օրհնեալ է հայ եւ ռուս ժողովուրդներու դարաւոր բարեկամութիւնը» գրութիւնը, Մոսկուայի
850-ամեակին առիթով 1997-ին տեղադրուած է Մոսկուայի կեդրոնը` «Նիգիդեան Դարպասներ»-ու
պուրակին մէջ: Յուշարձանի հեղինակային խումբի ղեկավարն է քանդակագործ Ֆրիտ Սողոյեանը,
ճարտարապետները` Ռազմիկ եւ Տիգրան Մանուկեանները: Սպիտակ եւ մոխրագոյն կրանիտէ կերտուած
4,5 մեթր բարձրութեամբ յուշարձանը տեղադրուած է Երեւանի Մոսկովեան-Նալբանդեան-Իսահակեան
փողոցներու խաչմերուկին վրայ եւ կը ներկայացնէ հայ եւ ռուս կանանց, որոնք գլուխ խոնարհած
են ընդհանուր հաւատի խորհրդանիշ խաչին առջեւ եւ այդ խոնարհումով միաժամանակ կը պաշտպանեն
խաչը: Յուշարձանի բացման ներկայ գտնուած են բազմաթիւ հայեր եւ ռուսեր, ներառեալ` ՌԴ
նախագահ Վլատիմիր Փութինի պետական այցի ծիրէն ներս արդէն իսկ Երեւան հասած պատուիրակութեան
անդամներ: