ዋርሶው፦ ክርስትና ኣብ ኤውሮጳ

ኣብ ፖላንድ ርእሰ ከተማ ዋርሶው ግደ ናይ ፖላንድን ሩሲያን ሕዝብታትን ቤተ ክርስቲያንን ንሓድነት ኣሚተን ኣብ ዘካይድኦ ናይ ሓባር ጉዕዞ ዘተ ዘማእከለ ጉባኤ ትማሊ ዕለት 29 ሕዳር 2013 ዓ.ም. ከም እተጀመረን ኣብዚ ናይ መላእ ሩሲያን ሞስኮን ፓትሪያርክ ናይ ወጻኢ ጉዳይ ሓላፊ ብፁዕ ኣቡነ ሂላሪዮን ይሳተፉ ከምዘለዉ ሲር ናይ ዜና ኣገልግሎት ሓቢሩ።
ልኡኻት ካቶሊካዊት ቤተ ክርስቲያን ኣብ ፖላንድን ናይ መላእ ሩሲያን ሞክሶን ኦርቶዶክሳዊት ቤተ ክርስቲያን ልኡኻትን ድሕሪ ነሓሰ 2012 ዓ.ም. ዝተፈራረምዎ ናይ ሓባር ስምምዕ ሰነድ ንነጀው ንጡፍ ናይ ሓባር ርክባት የሳልጣ ከምዘለዉ ዝሓበረ ሲር ናይ ዜና ኣገልግሎት ኣስዒቡ፣ እዚ ኣብ መንጎ ክልቲኣተን ኣቢያተ ክርስቲያን ንመጻኢ ብቐጻሊ ንኽካይድ ናይ ዝተወሰነ ናይ ሓባር ዘተ መደብ ክፍሊ ዝኾነ ትማሊ ዝተኸፈት ናይ ሓባር ጉባኤ ዘረባ ብምስማዕ ዝኸፈቱ ኣብ ፖላንድ ናይ ብፁዓን ጳጳሳት ቤት ምኽሪ ሊቀ መንበር ብ
ብፁዕ ኣቡነ ጆሰፍ ሚካሊክ ከምዝኾኑን፣ ብዘይ ኣብ መንጐ ቤተ ክርስቲያንን በርገሳዊ ሕበረተሰብን ርክብን ዘተንን በዘይ ተራ ቤተ ክርስቲያን ኣብ ሕንጸትን ምዕባለን ሃገርን ሕዝብታትን ኣብ መንጐ ሕዝብታት ዕርቅን ምሉእ ምዕባለን ክረጋግጽ ከምዘይክእል እቲ ዝካይድ ዘሎ ጉባኤ ከምዘስመረሉ ኣመልኪቱ።
እዚ ከምዚ ኢሉ እንከሎ ተጋባእያን ኣብ ዋርሶው ኣብ ዝርከብ ካቶሊካዊ ካቴድራልን ቀጺሉ ድማ ኣብ ካቴድራል ኦርቶዶክስ ቤተ ክርስቲያን ሎሚ በዓለ ቅዱስ ኣድርያስ ሓላዊ ሓድነት ኣቢያተ ክርስቲያን ምኽንያት ጸሎት ከምዝዓረገን ናይ ዋርሶው ሊቀ ጳጳስ ብፁዕ ካርዲናል ካዚሜርዝ ንይችዝ ዝሰርዕዎ መስዋዕተ ቅዳሴ እውን ከምዝዓረገ ሲር ናይ ዜና ኣገልግሎታ ሓቢሩ።