Зорка сусветнай папулярнай
і опернай музыкі Андрэа Бачэлі выступіць у Ватыкане. Спявак прыме ўдзел у дабрачынным
канцэрце “Святло дзецям”, які пройдзе 2 снежня 2013 г. у Зале Паўла VI з мэтай падтрымкі
ініцыятывы па абнаўленні інфрастуктуры аддзялення інтэнсіўнай кардыялагічнай тэрапіі
ватыканскай дзіцячай бальніцы “Bambino Gesu”. Мерапрыемства арганізавана ў супрацоўніцтве
з Дзяржсакратарыятам Яго Святасці Папы. На ім будзе прысутнічаць і сам Дзяржсакратар
арцыбіскуп Пьетра Паралін.
Андрэа Бачэлі выканае шэраг вядомы твораў, сярод
якіх “Ave Maria” Франца Шуберта, “Panis Angelicus” Чэзарэ Франка і іншыя. Акрамя славутага
выканаўцы, у ватыканскім канцэрце прымуць удзел некаторыя іншыя італьянскія оперныя
і папулярныя артысты, музыканты, акцёры і танцоры. Трэба адзначыць, што гаворка ідзе
пра першае выступленне Андрэа Бачэлі ў Рыме, за апошнія 5 гадоў. Спявак часта прымае
ўдзел у сацыяльных ініцыятывах і займаецца дабрачыннасцю праз створаны ім фонд “Andrea
Bacelli Foundation”.
Аддзялення інтэнсіўнай кардыялагічнай тэрапіі рымскай
дзіцячай бальніцы “Bambino Gesu” з’яўляецца адным з самых буйных у Італіі. Яно дзейнічае
з 1982 г. і штогод тут праходзяць лячэнне каля 600 дзяцей з паталогіямі сэрца.