27 നവംബര് 2013, വെനിസ്വേലാ ദൈവികമഹത്വം ഇനിയും മനുഷ്യരുടെമേല് പ്രകാശിക്കണമെന്ന്,
വിശ്വാസ പ്രോഘോഷണത്തിനായുള്ള വത്തിക്കാന് സംഘത്തിന്റെ പ്രീഫെക്ട്, കര്ദ്ദിനാള്
ഫെര്ണാണ്ടോ ഫിലോണി പ്രസ്താവിച്ചു. നവംബര് 26-ാം തിയതി ബുധനാഴ്ച വെനിസ്വേലയില് ആരംഭിച്ച
9-ാമത് ലാറ്റിനമേരിക്കന് മിഷണറി കോണ്ഗ്രസിന്റെ ആദ്യദിവസം അര്പ്പിച്ച ദിവ്യബലിമദ്ധ്യേയാണ്
കര്ദ്ദിനാള് ഫിലോണി ഇങ്ങനെ ഉദ്ബോധിപ്പിച്ചത്.
‘മനുഷ്യകുലത്തിനുമേല് നിപതിച്ച
ഇരുട്ടില് കര്ത്താവിന്റെ വെളിച്ചം പതിക്കു’മെന്ന് ഏശയാ പ്രവചിച്ച (ഏശയ്യ 9, 1-7) പ്രകാശം
ക്രിസ്തുവാണ്. അവിടുന്നില് വിശ്വസിക്കുന്നവര്ക്ക് ആ വെളിച്ചം വിശ്വാസത്തിന്റെ പ്രകാശമാണെന്നും,
പാപ്പാ ഫ്രാന്സിസിന്റെ പ്രതിനിധിയായി മിഷണറി കോണ്ഗ്രസ്സ് ഉദ്ഘാടനംചെയ്ത കര്ദ്ദിനാള്
ഫിലോണി പ്രസ്താവിച്ചു. ലാറ്റിനമേരിക്കന് രാജ്യങ്ങളില് നിന്നായി 4000 മിഷണറിമാര്
പങ്കെടുക്കുന്ന സമ്മേളനം ഡിസംബര് 1-ാം തിയതി ഞായറാഴ്ച സമാപിക്കും. Reported : nellikal,
sedoc