Ամենապատիւ Տէր Ներսէս Պետրոս ԺԹ Կաթողիկոս Պատրիարքի Ռատիովատիկանի հայկական բաժնի հետ ունեցած հարցազրոյցը

''Աւետարանութեան գործը կը շարունակուի''։

Տանն Կիլիկիոյ Կաթողիկէ Հայոց` Ամենապատիւ Տէր Ներսէս Պետրոս ԺԹ Կաթողիկոս Պատրիարքը, Հռոմ կեցութեան ընթացքին, հանդիպում ունեցաւ Ռատիովատիկանի Հայկական բաժնի անձնակազմի տնօրէնին հետ։ Զրոյցի ընթացքին Հոգեւոր Տէրը անդրադարձաւ, անցեալ օրերուն, Վատիկանի մէջ կայացած Արեւելեան Եկեղեցիներու Ժողովի Լիանիստ հաւաքի մասին, ինչպէս նաեւ Արեւելեան Եկեղեցիներու Պատրիարքներու եւ Աւագ Արքեպիսկոպոսներուն` անցեալ հինգշաբթի 21 նոյեմբերին, Ֆրանչիսկոս Քահանայապետին հետ ունեցած հանդիպումի մասին։