Մամլոյ Ասուլիս ներկայացնելու Ֆրանչիսկոս Պապի հրատարակած առաջին առաքելական յորդորագիրը ''Աւետարանի ուրախութիւնը''։

Երեքշաբթի, 26 նոյեմբերի առաւօտեան ժամը 11,30-ին, Վատիկանի Յովհաննէս Պօղոս Բ անուան սրահին մէջ, տեղի կ՛ունենայ մամլոյ ասուլիս` ներկայացնելու համար ժամանակակից աշխարհի մէջ աւետարանի հռչակումի մասին, Ֆրանչիսկոս Քահանայապետին հրատարակած, առաջին առաքելական յորդորագիրը, որուն խորագիրն է ''Աւետարաններու ուրախութիւնը'' ։
Մամլոյ ասուլիսը կը ներկայացնեն գերապայծառ Ռինօ Ֆիզիքելլա, վերաւետարանութեան քահանայապետական խորհուրդի նախագահը։ Գերապայծառ Լորէնցօ Պալտիսսէրի` Եպիսկոպոսներու սիւնհոդոսի ընդհանուր քարտուղար եւ գերապայծառ Գլաուտիօ Մարիա Չելլի` ընկերային հաղորդամիջոցներու քահանայապետական խորհուրդի նախագահ։
Վերոյիշեալ յորդորագիրը հրատարակուած է Հաւատոյ Տարուայ փակման առթիւ` եւ Կիրակի 24 նոյեմբերին, հաւատոյ տարուայ եզրափակիչ արարողութեան աւարտին` Ֆրանչիսկոս Պապը զաղն յանձնեց Եկեղեցւոյ 36 ներկայացուցիչներուն։