Папа спачувае ў сувязі са смерцю Мар’яны Папялушкі
Папа Францішак дзякуе
Богу за цудоўнае і доўгае жыццё маці благаслаўлёнага кс. Ежы Папялушкі Мар’яны Папялушкі,
якая адыйшла ў вечнасць 19 лістапада 2013 г. Святы Айцец даверыў памерлую Божай міласэрнасці
і заступніцтву яе благаслаўлёнага сына, гаворыцца ў тэлеграме за подпісам Апостальскага
нунцыя ў Польшчы арцыбіскупа Чэлестына Мільёрэ, якая была прачытана падчас яе пахавання
23 лістапада ў Беластоку. “Чалавечая святасць нараджаецца праз цярплівае выкананне
штодзённай працы. Святой памяці Мар’яна выконвала яе выхоўваючы дзяцей і акружаючы
матчынай апекай сваю сям’ю. Божы провід учыніў так, што плод яе мацярынства, благаслаўлёны
Ежы, дасягнуў хвалы алтароў праз мучаніцтва”, - гаворыцца ў пасланні. Адзначаецца
таксама, што гэта мучаніцтва было дапоўнена цярплівасцю яго маці, якая “бачачы цяплівасць
Бога, узнёслася над болем, давяраючы Стварыцелю, так, як давярала яму нясучы вялікія
і малыя крыжы штодзённасці”. “Гэта схаваная святасць, якая прыносіць благаслаўлёныя
плёны”, - адзначаецца ў спачувальнай тэлеграме.