Ֆրանչիսկոս Սրբազան Քահանայապետի Գործունէութիւնը։ ''Ռէկպի'' ի մարզիկներուն հետ հանդիպում։

Ուրբաթ` 22 նոյեմբերի առաւօտեան ժամը 10,30-ին, Ֆրանչիսկոս Սրբազան Քահանայապետը, իր գրասենեակին մէջ ընդունեց` Պոզնիա - Էրծիկովնայի վարչապետ Տիար Վիէքոզլաւ Պէվատան ու անոր ընկերացող շքախումբը, որմէ ետք յաջորդաբար ընդունեց` Շվէտի, Տանիմարքայի, Իզլանտայի, Ֆինլանտայի եւ Նորվէկիայի մօտ առաքելական դեսպան` գերապայծառ Հէնրիք Ժոզէֆ Նովաչքի, ու Պրազիլի առաքելական նուիրակ` գերապայծառ Ճովաննի Տ՛անիէլլօ։ Ժամը 11,20-ին, Սրբազան Հայրը միշտ իր գրասենեակի մէջ ընդունեց Ոտնագունդի միջազգային դաշնակցութեան նախագահ` Տիար Ժոզէֆ Պլադդէր որմէ ետք, ժամը 12-ին, Գլեմենդինա Սրահին մէջ, ունկնդրութիւն շնորհեց ''Rugby''-ի` Իտալիոյ եւ Արժանդինի խումբերու մարզիկներուն։Յետմիջօրէին ժամը 4-ին, Նորին Սրբութիւնը, Սանդա Մարդայի մէջ ընդունեց Ժողովրուդներու աւետարանացումի Ժողովի կառավարիչը` Կարդինալ Ֆերնանտօ Ֆիլոնին։

''Ռէկպի''-ի մարզիկներուն հետ ունեցած հանդիպումին ընթացքին, Սրբազան Քահանայապետը ուրախութիւն յայտնեց որ Իտալիոյ եւ Արժանդինի միչեւ մարզական հանդիպումները բազմաթիւ են, որ նշան մըն են ''երկու ազգերու միջեւ գոյատեւող բարգաւաճ աւանդութեան''։
Սրբազան Հայրը ապա խօսքը կեդրոնացուց ''Ռէկպի'' խաղին վրայ որ ''դժուար'' սակայն հաւասարակշռութիւն պահանջող խաղ մը է - ըսաւ Ան - ու յատուկէն, մասնագէտի մօտեցումով, անդրադարձաւ խաղի զանազան հանգրուաններուն, շեշտը դնելով ''meta'' բառին վրայ, այսինքն ''նպատակակէտ''։ Ռէկպիի խաղին մէջ այս բառը շատ գեղեցիկ է - ըսաւ Քահանայապետը - շատ կարեւոր է, որովհետեւ մեզի կը յիշեցնէ կեանքը` ամբողջ մեր կեանքը կը ձտգի նպատակակէտի մը եւ այդ նպատակակէտը ձեռք բերելու համար հարկ է միասնաբար վազել ու յառաջանալ։Այս իմ բացատրութիւնս ''թէխնիքական'' չէ - ըսաւ Քահանայապետը - սակայն Եպիսկոպոսի մը տեսակէտն է եւ որպէս Եպիսկոպոս կը մաղթեմ որ խաղի հանգրուանները ի գործ դնէք նաեւ խաղի դաշտէն դուրս` կեանքին մէջ։ Նորին Սրբութիւնը խօսքը եզրափակեց ներկաներէն խնդրելով որ ''Աղօթեն իրեն համար, որպէսզի ինք ու իր համագործակիցները միասին` կարենան կազմել յառաջադէմ ''աշխատանքային խումբ մը''։