2014-17ին Հայաստան Համաշխարհային դրամատունէն պիտի ստանայ 873 միլիոն Տոլար
Հայաստանը 2014-17 թուականներուն Համաշխարհային դրամատունէն պիտի ստանայ 873 միլիոն տոլար՝
գործընկերութեան ռազմավարութեան ծիրին մէջ: Այդ մասին լրագրողներուն հետ ունեցած զրոյցին
ընթացքին յայտնած է Համաշխարհային դրամատան Հարաւային Կովկասի հարցերով տնօրէն Հենրի
Քերալին: Ծրագիրին մանրամասնութիւնները դրամատան պատուիրակութիւնը կը քննարկէ Հայաստանի
կառավարութեան հետ: Այդ միջոցներուն հիմնական մասը գոյացած է Վերակառուցման եւ զարգացման
միջազգային դրամատան միջոցով: Հայաստան վերջինէն պիտի ստանայ 595 միլիոն տոլար, իսկ 84.5
միլիոն տոլար՝ Զարգացման միջազգային կազմակերպութենէն, որ յատկացումներ կը կատարէ աւելի
արտօնեալ պայմաններով: Համաշխարհային դրամատան ստորաբաժանում հանդիսացող Միջազգային
դրամական համագործակցականէն պիտի ստացուի 160-190 միլիոն տոլար: «Մենք դեռ չենք որոշած,
թէ ինչպէս պիտի բաշխուին այդ միջոցները, բայց հիմնական մասը պիտի կազմէ վարկաւորումը՝
շուկայականէն աւելի արտօնեալ պայմաններով», յայտնած է Քերալին