Папа зацвердзіў новы статут Бюро фінансавай інфармацыі
18 лістапада 2013
г. быў апублікаваны Апостальскі ліст папы Францішка ў форме “Motu proprio”, якім ён
зацвердзіў новы статут Бюро фінансавай інфармацыі Святога Пасаду і Дзяржавы Ватыкан.
Пантыфік падпісаў дакумент яшчэ 15 лістапада, а 21 лістапада ён увойдзе ў сілу. У
паведамленіі Залы Друку Апостальскай Сталіцы адзначаецца, што новы статут тычыцца
структурных змен у Бюро з мэтай паляпшэння выкання функцый установы. Маецца на ўвазе
даручаны гэтай стуктуры яшчэ 8 жніўня 2013 г. абавязак кантролю за ватыканскімі ўстановамі
з мэтай супрацьдзеяння незаконным фінансавым аперацыям. У рамках структуры будзе створаны
спецыяльны аддзел, які будзе займацца гэтай праблематыкай. Новы статут акрэслівае
таксама ролю і адказнасць старшыні, кіраўнічай рады і дырэкцыі Бюро фінансавай інфармацыі
і вызначае межы іх аўтаноміі і незалежнасці.