Кардынал: у міжрэлігійным дыялогу – слухаць і пазнаваць адно аднаго
Кардынал Жан-Луі Таран
лічыць, што ў міжрэлігійным дыялогу важна не прадстаўляць іншыя рэлігіі ў негатыўным
святле. Адначасова трэба разглядаць этнічныя і культурныя адметнасці іншых, іх светапогляд
у якасці багацця, а не пагрозы. Іерарх выступіў на буйной канферэнцыі ў Міжнародным
цэнтры па міжрэлігійным і міжкультурным дыялогу імя караля Абдалы, якая 18-19 лістапада
2013 г. праходзіць у Вене. Кардынал Таран вылучыў тры патрабаванні, якія ставіць міжрэлігійны
дыялог перад яго ўдзельнікамі: слухаць і пазнаваць адно аднаго, думаць перш чым выносіць
суджэнне, прадстаўляць змест сваёй веры і свой спосаб жыцця з дабрынёй і павагай.
Старшыня Папскай рады па міжрэлігійным дыялогу перакананы, што тэма канферэнцыі “Аблічча
іншых”, заклікае да адкрытасці на прадстаўнікоў іншых рэлігій і супрацоўніцтва з імі
ў імя супольнага дабра.