Беларусь: фестываль “Магніфікат” быў, ёсць і будзе
Міжнародны фестываль
хрысціянскіх фільмаў і тэлепраграм “Магніфікат”, які павінен быў прайсці ў верасні
2013 г., але быў перанесены на нявызначаны тэрмін, усё ж адбудзецца – 4-5 студзеня
2014 г. Хоць і з невялікім спазненнем, але фінансавае пытанне, з-за якога правядзенне
сёлетняга фестывалю адкладалася, нарэшце было вырашана – можна сказаць, цудоўным чынам.
Радасная навіна аб тым, што знайшоўся новы спонсар, прыйшла да арганізатараў у канцы
кастрычніка, паведаміў старшыня кінафоруму, рэжысёр Юрый Гарулёў. “Я атрымаў шмат
лістоў з патрымкай, у якіх гаварылася, што ўсе засмучаны, што фестываль не адбудзецца,
і будуць маліцца, каб штосьці вырашылася. І гэта адбылося! Мы пасядзелі, паразмаўлялі
адзін з адным у аргкамітэце і падумалі: няхай гэта не такія вялікія грошы, няхай наш
фестываль не будзе такім маштабным, як мінулыя, але мы не страцім год. Таму было прынята
такое рашэнне, каб фестываль адбыўся 4-5 снежня, першага месяца наступнага года –
паміж святамі Божага Нараджэння па каталіцкім і праваслаўным календары”, - прызнаўся
арганізатар форуму.
Сапраўды, крыўдна было дапусціць, каб перапынілася традыцыя.
Фестываль “Магніфікат” быў заснаваны ў 2005 г. каталіцкай ассацыяцыяй “Signis-Беларусь”
і Канферэнцыяй Каталіцкіх Біскупаў у Беларусі. За гэты час кінафорум спадабаўся гледачам
і ўдзельнікам – кожны год ў Мінску і Глыбокім збіраліся дзесяткі рэжысёраў, сцэнарыстаў,
прадстаўнікоў розных хрысціянскіх канфесій.
Праграма каляднага форуму з-за
ўсіх гэтых абставін некалькі зменіцца. Фестываль будзе прахадзіць толькі два дні і
толькі ў Мінску. Некалькі скароціцца і спіс прадстаўленых фільмаў, адзначыў Юрый Гарулёў.
“Мы падзялілі фільмы – адна частка будзе ўдельнічаць зараз, другая частка аўтаматычна
пяройдзе на наступны фестываль. Усяго будзе прадстаўлена 16 стужак з 10 краін”, -
сказаў ён.
Ёсць аўтары, якія традыцыйна ўдзельнічаюць у кінафоруме, але на
гэты раз менавіта на “Магніфікаце” дэбютуюць рэжысёры з Расіі і Балгарыі. Усе фільмы
розныя – па характару і настрою, але аб’ядноўвае іх хрысціянская тэма: пошук сэнсу
жыцця, любоў да Бога, служэнне людзям. “Гэта добрыя фільмы. Яны розныя: стужкі-партрэты,
творы аб сітуацыі ў Касцёле і яго гісторыі, аб моладзі, аб пажылых людзях. Гэта розныя
творы, але мы адбіралі, каб гэта былі сапраўды добрыя фільмы”, - адзначыў рэжысёр.
Мода на нейкія асаблівыя тэмы, новыя плыні, стаўка на забаўляльнасць ці камерцыйнасць
– гэта тое, што ні ў якім разе не ўласціва хрысціянскаму кіно. У гэтым сэнсе існаванне
фестывалю, дзе можна бачыць менавіта такія фільмы, вельмі важна. Традыцыйнасць, цеплыня,
пачуццё сапраўднага свята – вось адметныя рысы кожнага “Магніфікату”, узровень якога
з гадамі расце. Толькі той факт, што фільмы-лаўрэаты каталіцкага фестывалю бяруць
прызы на мінскім “Лістападзе” і іншых кінафорумах гаворыць сам за сябе, падкрэсліў
Юрый Гарулёў. “Узровень фестывалю вельмі высокі, апошнія гады ён не зніжаецца, а трымае
планку. Гэта вельмі важна – бачыць такія фільмы, бо не можа чалавек жыць без духоўнасці
ў сённяшні час”, - лічыць арганізатар кінафоруму.
Прыхільнікі 9-га па ліку
Міжнароднага фестывалю хрысціянскіх фільмаў і тэлепраграм “Магніфікат” – ужо чакаюць
добрых стужах, новых эмоцый і сустрэч з вядомымі кінематаграфістамі. Яны ўжо знаходзяцца
ў прадчуванні запаветнага гуку “кіношнай” хлапушкі, якім па традыцыі адкрываецца кожны
“Магніфікат”.