Папа лічыць былога нунцыя ў Беларусі лепшым інтэрпрытатарам ідэй Сабора
Папа Францішак лічыць
арцыбіскупа Агасціна Маркета “лепшым герменэўтыкам ІІ Ватыканскага Сабору”. “Я ведаю
што гэта дар Божы, але Вы здолелі яго памножыць”, - напісаў Святы Айцец у лісце да
былога сакратара Папскай рады пастырства эмігрантаў і падарожнікаў. Між іншым арцыбіскуп
Маркета быў Апостальскім нунцыем у Беларусі ў 1994-1996 гг. Пасланне Пантыфіка было
прачытана падчас прэзентыцыі кнігі “Папскі прымат і епіскапат. З першага тысячагоддзя
да Другога экуменічнага Ватыканскага Сабору”. Яна была апублікавана Ватыканскім выдавецтвам
і ўяўляе сабой зборнік навуковых артыкулаў 26-ці даследчыкаў гэтай тэмы, якія пажадалі
адзначыць асаблівы ўклад арцыбіскупа Маркета ў развіццё герменэўтыкі Сабора і прысвяціць
кнігу яму. Францішак выказаў падзяку іерарху за яго сведчанне любові да Касцёла. “Гэту
любоў Вы праўлялі рознымі спосабамі, нават папраўляючы памылкі ці недакладнасці з
майго боку, і за гэта ад сэрца Вам дзякую”, - напісаў Пантыфік. На яго думку, асаблівым
чынам любоў іерарха да Касцёла праявілася ў дакладных навуковых даследваннях.
“Аднойчы
я казаў Вам, дарагі арцыбіскуп Маркета, і зараз хачу паўтарыць, што лічу Вас лепшым
герменэтэўтыкам ІІ Ватыканскага Сабора”, - напісаў Францішак. Святы Айцец падкрэсліў,
што лічыць любоў іерарха “лаяльнай і паэтычнай”. “Лаяльнасць і паэзія не з’яўляюцца
аб’ектамі гандлю: яны не набываюцца і не прадаюцца, але з’яўляюцца проста цнотамі
ўкаранёнымі ў сэрцы сына, якія лічыць Касцёл сваёй Маці”, - адзначыў Папа.