“Рэгенсбургская прамова” Бэнэдыкта XVI стымулявала міжрэлігійны дыялог
У дыялогу Каталіцкага
Касцёла з іншымі рэлігіямі, па словахстаршыні Папскай рады па міжрэлігійным дыялогу,
кардынала Жана-Луі Тарана, падчас патныфікату Бэнэдыкта XVI быў дасягнуты значны прагрэс,
і не ў апошнюю чаргу дзякуючы “Рэгенсбургскай прамове”. Распаўсюджанае меркаванне
аб тым, што Папа на пенсіі не зрабіў укладу ў міжрэлігійны дыялог, не мае нічога супольнага
з рэчаіснасцю, заявіў іерарх 12 лістапада 2013 г. у Ватыкане. Бэнэдыкт XVI прысвяціў
гэтай тэме ў агульнай складанасці 188 тэкстаў за амаль восем гадоў свайго пантыфікату.
Нават настолькі крытыкаваная “Рэгенсбургская прамова” Пантыфіка з верасня
2006 г., у якой было разгледжана пытанне пра сувязь паміж ісламам і насіллем, у канчатковым
рахунку стымулявала дыялог, аб чым сведчыць ліст 138 мусульманскіх навукоўцаў да Папы
ў адказ на яе.
Кардынал Таран прадставіў 2100- старонкавы том “Міжрэлігійны
дыялог у афіцыйным вучанні Каталіцкага Касцёла ў 1963-2013 гг.”. Ён змяшчае ў агульнай
складанасці 909 дакументаў. У дадатак да тэкстаў ІІ Ватыканскага Сабору, папскіх прамоў
і Апостальскіх лістоў, кніга ўключае ў сябе мноства іншых дакументаў Святога Пасаду.
Выдаўцом зборніка выступіла Папская рада па міжрэлігійным дыялогу.