Францішак прывітаў групу пакутуючых ад рэдкіх хвароб
У агульнай аўдыенцыі
з папам Францішкам 13 лістапада 2013 г. прынялі ўдзел каля 3 тыс. носьбітаў рэдкіх
хвароб, якія прыбылі на плошчу св. Пятра ў суправаджэнні арцыбіскупа Зыгмунта Зімоўскага,
старшыні Папскай рады пастырства работнікаў сферы аховы здароўя, і супрацоўнікаў італьянскай
дабрачыннай асацыяцыі “Джузэпэ Дасэці. Каштоўнасці і клопат аб правах”. Удзел членаў
гэтай дэлегацыі ў агульнай аўдыенцыі з’яўляецца выразам пашаны і падзякі Святому Айцу
за намаганні на карысць хворых і самых слабых членаў грамадства, дзеля іх роўнасці
ў правах перад сістэмай аховы здароўя.
Асацыяцыя, якая носіць імя італьянскага
святара, юрыста і тэолага Джузэпэ Дасэці, займаецца клопатам пра пакутуючых ад рэдкіх
хваробаў, а таксама спрыяе наданню большай увагі іх праблемам з боку грамадства і
ўрачоў. На заканчэнне агульнай аўдыенцыі папа Францішак на працягу доўгага часу размаўляў
са сваімі гасцямі і асабіста вітаў іх.