Դամասկոսի մէջ Հայկական դպրոցին պատկանող փոխադրակառքին վրայ ռումբ ինկած է
Դամասկոսի Պապ Շարքի քրիստոնէական թաղամասին մէջ Նոյեմբեր 11-ին ռումբ ինկած է հայկական
դպրոցին պատկանող փոխադրակառքին վրայ: Այս մասին «Արմէնփրես»-ին տեղեկացուցած է Դամասկոս
բնակող Նազարէթ Էլմաճեանը` աւելցնելով, որ հրասանդը ինկած է ազգային Սուրբ Թարգմանչաց
ճեմարանի փոխադրակառքին վրայ, որ աշակերտներ կը տեղափոխէր: փոխադրակառքին վրայ իյնկած
ռումբի հետեւանքով զոհուած են երկու հայ երեխաներ։ 1-Յովհաննէս Աթոխանեան առաջին դասարան 2-Վանեսսա
Միխօ՝ 3-րդ դասարան: Այս մասին ԵՌԱԳՈՅՆ-ին կը յայտնեն Դամասկոսի աղբիւրները։ Ռատիօ
Վատիկանի Հայկական բաժինը իր ցաւակցութիւնը կը յայտնէ Հայ անմեղ մանուկներու հարազատներուն