Памёр шматгадовы кіраўнік Сікстынскай капэлы – кардынал Барталучы
11 лістапада 2013
г. ва ўзросце 96 гадоў памёр кардынал Даменіка Барталучы, шматгадовы кіраўнік хору
Сікстынскай капэлы. Ён займаў гэту пасаду з 1956 г. па 1997 г. і здзяйсняў сваё служэнне
падчас пантыфікатаў Пія XII, Яна XXIII, Паўла VI, Яна Паўла І і Яна Паўла ІІ. Іерарх
нарадзіўся 7 мая 1917 г. у Таскане. У 1939 г. скончыў духоўную семінарыю ў Фларэнцыі
і стаў святаром. У тым жа годзе атрымаў дыплом Фларэнтыйскай кансерваторыі, а ў 1942
г. – дыплом Папскага інстытута духоўнай музыкі і Нацыянальнай кадеміі музыкі св. Цэцыліі
ў Рыме. З 1947 г. ён кіраваў хорам базылікі Санта Марыя Маджорэ ў Рыме. У 1956 г.
папа Пій XII прызначыў яго пастаянным дырэктарам хору Сікстынскай капэлы. 20 лістапада
2010 г. Бэнэдыкт XVI абвясціў прэлата кардыналам.
Іерарх быў гарачым прыхільнікам
латыні ў літургічнай музыцы. “Неабходна вярнуцца да літургіі, якая стварае прастору
для музыкі, з густам да прыгажосці, вярнуцца да праўдзіва сакральнага мастацтва”,
- сказаў ён у адным са сваіх апошніх інтэрв’ю. Кардынал Берталучы лічыўся лепшым інтэрпрэтатарам
знакамітага кампазітара XVI ст. Джавані П’ерлуіджы да Палестрына.
Са смерцю
пураурата Калегія кардыналаў налічвае 200 асоб, з якіх 109 з’яўляюцца выбаршчыкамі.