Хворыя – гэта не проста
аб’ект салідарнасці і дабрачыннасці, але ў поўнай меры, удзельнікі жыцця і місіі Касцёла,
звярнуў увагу папа Францішак. 9 лістапада 2013 г. ён сустрэўся з членамі, валанцёрамі
і падапечнымі Італьянскага нацыянальнага саюзу транспартну хворых у Лурд і міжнародныя
санктуарыі (UNITALSI), якая існуе ўжо на працягу 110 гадоў. На думку Святога Айца,
дапамога з боку падобных асацыяцый, гэта не проста “спадарожнічанне і філантропія”,
але сапраўднае абвяшчэнне “Евангелля дабрачыннасці”. Пантыфік заклікаў працуючых у
сферы дабрачыннасці не знеахвочвацца “з нагоды цяжкасцяў і стомленасці”, але працягваць
ахвяраваць час, усмешку і любоў да іншых. Папа пажадаў ім, каб кожны хворы змог разглядзець
у іх твары самаго Езуса. “Бедныя, у тым ліку і бедныя здароўем, з’яўляюцца скарбам
для Касцёла”, - падкрэсліў Святы Айцец.
Пантыфік з жалем заўважыў, што “сучасны
культурны і сацыяльны кантэкст” схільны хаваць фізічныя слабасці, “разглядаючы іх
выключна як праблему”. Асацыяцыі, такія, як “UNITALSI”, на думку Папы, закліканы “ісці
супраць плыні падобнай жыццёвай логікі”, дапамагаючы хворым быць лідэрамі ў грамадстве
і Касцёле. У хворых “ёсць сваё месца, асаблівая роля ў парафіі і ў кожным сектары
Касцёла”, - падкрэсліў Францішак, бо іх прысутнасць, хоць і ціхая, больш красамоўная,
чым словы. “Не саромейцеся быць каштоўным скарбам Касцёла”, - заклікаў хворых Пантыфік.
Папа
запрасіў церпячых і тых, хто ім дапамагае, давяраць сябе абароне Маці Божай, якая
“ведае , што нам трэба”; “яна клапоціцца пра нас, хадайнічае перад Езусам і просіць
для кожнага дар “новага віна”, гэта значыць, любоў і ласку, якая ратуе нас”. Дапамога
Марыі, адзначыў Святы Айцец, патрэбна перш за ўсё “у гадзіну цяжкасці і слабасці,
у гадзіну бедства і блытаніны, і асабліва ў гадзіну граху”.