''Երիտասարդութեան Համաշխարհային Օրուայ'' յաջորդ երեք տարիներու խորագիրները։

Ֆրանչիսկոս Սրբազան Քահանայապետը` ի տես Գրագովիայի մէջ, 2016-ի յուլիսին նշուելիք` երիտասարդութեան համաշխարհային օրուայ յաջորդ հանգրուանին, որպէս այդ հաւաքի հոգեւոր ուղեւորութիւն, հաստատեց երիտասարդութեան համաշխարհային օրուան յառաջիրկայ երեք տարիներու նիւթերը։

2014-ի 29-րդ երիտասարդութեան համաշխարհային օրուայ նիւթն է ''Երանի հոգիով աղքատներուն, որովհետեւ անոնց է երկինքի Արքայութիւնը'' - (Մատթ. 5,3)։

2015-ի 30-րդ երիտասարդութեան համաշխարհային օրուայ նիւթն է ''Երանի անոնց որ սրտով սուրբ են, որովհետեւ Աստուած պիտի տեսնեն'' (Մատթ. 5,8)։

2016-ի 31-րդ երիտասարդութեան համաշխարհային օրուայ նիւթն է '' Երանի ողորմածներուն, որովհետեւ անոնք ողորմութիւն պիտի գտնեն'' (Մատթ. 5,7)։

Երեք նիւթերն ալ քաղուած են Երանութիւններէն։ Արդարեւ Ֆրանչիսկոս Պապը Րիո Տէ Ժանէյրոյի մէջ, Արժանթիցի երիտասարդներուն հետ ունեցած հանդիպումի ընթացքին անոնցմէ խնդրած էր ''հոգիով'' կարդալ Երանութիւնները` կեանքի իրապաշտ ծրագիր մը իրագործելու նպատակով։