Венесуэльскі апазіцыянер папрасіў Папу стаць пасярэднікам у канфлікце
Лідэр венесуэльскай
апазіцыі Энрыке Капрылес папрасіў папу Францішка стаць пасярэднікам у канфлікце з
левымі сацыялістычнымі ўладамі на чале з Прэзідэнтам Нікаласам Мадурай. У гэтым прызнаўся
сам Капрылес пасля сваёй сустрычы з Пантыфікам, якая адбылася 6 лістапада, у інтэрв’ю
“Vatican Insider”. Ён выказаў надзею, што новы Дзяржсакратар, арцыбіскуп Пьетра Паралін
адыграе вядучую ролю ў гэтым працэсе, паколькі добра ведае сітуацыю ў Венесуэле, дзе
да апошняга часу быў нунцыем. Касцёл валодае ў пераважна каталіцкай краіне маральным
аўтарытэтам, і таму мае патэнцыял, каб зблізіць пазіцыі бакоў і накіраваць сумленны
дыялог, сказаў апазіцыянер.
Пантыфік прыняў Капрылеса пасля агульнай аўдыенцыі
ў сераду як губернатара венесуэльскага штата Міранда.