Նոյեմբեր 6-ին «Սուրիահայերու հիմնախնդիրները համակարգող կեդրոն» հասարակական կազմակերպութեան
հերթական գեղեցիկ նախաձեռնութիւնն էր: Նախաձեռնութեան մասին որոշ պարզաբանումներ ըրաւ
«Ամքոր» ամերիկեան կազմակերպութեան հայկական մասնաճիւղի ծրագիրներու համակարգող Անահիտ
Գասպարեանը. «Ամրան ՄԱԿ-ի փախստականներու հարցերով գերագոյն յանձնակատարի հայաստանեան
գրասենեակը հրաւիրած էր համաժողով, որուն կը մասնակցէին հայաստանեան եւ միջազգային կազմակերպութիւններ:
Քաջատեղեակ ըլլալով Հայաստան ապաստանած սուրիահայերու հիմնախնդիրներուն` համաժողովին
ժամանակ հարց բարձրացաւ, թէ կազմակերպութիւնները ինչ նախաձեռնութեամբ կրնայ հանդէս գալ:
«Մեր կազմակերպութիւնը որոշեց անմասն չմնալ եւ կրցաւ փոքր գումար մը հայթայթել` մօտ 10
հազար տոլար»: «Ամքոր» կազմակերպութիւնը դիմած է «Սուրիահայերու հիմնախնդիրները համակարգող
կեդրոն»-ի ղեկավար տիկին Լենա Հալաճեանին` պարզելու համար, թէ այդ գումարով ինչ կրնան
ընել` հաշուի առնելով արդի կարիքները: Փոխադարձ համաձայնութեամբ որոշուած է այդ գումարով
7-14 տարեկան մօտ 400 երեխաներու համար բաճկոններ պատուիրել: «Կը հասկանանք, որ այնքան
ալ մեծ օգնութիւն չէ, բայց ուրախ ենք, որ կրցանք քիչ մը թեթեւցնել սուրիահայ մեր հայրենակիցներուն
կարիքները,- նշած է տիկին Անահիտը եւ յաւելցուցած, որ հնարաւոր է` յառաջիկային «Սուրիահայերու
հիմնախնդիրները համակարգող կեդրոն»-ի հետ այլ ծրագիր եւս իրականացնեն` ի շահ Հայաստանի
մէջ ապաստանած սուրիահայերուն: