Papa shpreh afërsi me popullsinë e Tarantos, për çështjet e punës, të shëndetit e
të ambientit
“Ambienti, shëndeti dhe puna, një udhë e mundshme për të mirën e përbashkët”. Me këtë
titull u hap sot në Taranto të Italisë, një Konferencë e organizuar nga kryedioqeza
e vendit. E pikërisht ipeshkvit, imzot Filipo Santoro e Kuries, i mbërriti dje mesazhi
i Papës Françesku, dërguar nga Sekretari i Shtetit të Vatikanit, imzot Pjetro Parolin.
Ati i Shenjtë uron që reflektimi i pjesëmarrësve të sjellë vendime konkrete për ta
ndryshuar mënyrën e jetesës dhe sistemin ekonomik, për ta ndihmuar çdo njeri t’i shohë
të realizuara, të gjitha të drejtat e tij. Kujtojmë se gjendja e Tarantos është mjaft
e ndërlikuar për shkak të një ndërmarrjeje kimike, tashmë e falimentuar, e cila ka
shkaktuar probleme të rënda shëndetësore në zonë. Nga ana tjetër, ajo u ka dhënë punë
mijëra vetëve, prandaj, siç thekson edhe Papa Bergolio, zgjidhja nuk është e lehtë.