Papa, ipeshkvijve francezë: dëshmoni mëshirën e Hyjit. Themelor, formimi i meshtarëve
Papa Françesku u shkruan ipeshkvijve francezë, të mbledhur në Asamblenë e tyre të
përgjithshme, në Lurdë. Impenjohuni gjithnjë në shërbim të njeriut, sidomos kujdesuni
për të mënjanuarit, i fton. Ati i Shenjtë u kërkon gjithashtu t’i kushtojnë vëmendje
të posaçme formimit të meshtarëve të ardhshëm, që ata të rrënjosen vërtet në Krishtin
e t’u qëndrojnë afër njerëzve, që Zoti ua ka besuar. Mesazhi vë theksin edhe në traditën
misionare të Kishës në Francë. Bashkësitë tuaja dioqezane, u shkruan Papa ipeshkvijve,
të ecin gjithnjë në udhën e kthimit kah Krishti, në mënyrë që fjala e tyre ungjillëzuese
të jetë e besueshme.