Գրագովիայի Արքեպիսկոպոսը կը յայտնէ թէ Գրագովիայի ''երիտասարդութեան համաշխարահային
օրը'' տեղի պիտի ունենայ` 25 յուլիսէն - 1 օգոստոս 2016։
Գրագովիայի Արքեպիսկոպոս եւ Յովհաննէս Պօղոս Բ երբեմնի յատուկ քարտուղար` Կարտինալ Սդանիզլավ
Ճիվիչ, Վատիկանի Օսսերվաթորէ Ռոմանօ օրաթերթին յայտնած է թէ Գրագովիայի մէջ նշուելիք
''երիտասարդութեան համաշխարհային օրը'' տեղի պիտի ունենայ` 25 յուլիսէն - 1 օգոստոս 2016։
Յայտնենք որ յառաջիկայ երիտասարդութեան համաշխարհային օրուան առթիւ, Պրազիլի երիտասարդները,
ուր տեղի ունեցած էր վերջին երիտասարդաց համահաւաքը, յառաջիկայ 13 ապրիլ 2014-ին, պաշտօնապէս
Գրագովեայ պիտի փոխադրեն երիտասարդութեան համաշխարհային օրուայ խաչափայտը։ Լատինամերիկացի
երիտասարդները հոն պիտի փոխադրեն նաեւ ''Հռոմի ժողովուրդի փրկութիւն'' Տիրամօր սրբանկարը։
Աշխարհականներու քահանայապետական խորհուրդի քարտուղար` գերապայծառ Ժոզէֆ Գլեմենս,
արտայայտուելով երիտասարդութեան համաշխարհային 29-րդ օրուայ մասին, յայտնած է որ երանելի
Յովհաննէս Պօղոս Բ Քահանայապետին սրբադասումը, առաւել սլացք մը պիտի տայ Երիտասարդներուն
եւ Գրագովիայի երիտասարդութեան համաշխարհային օրուան։