ԵՐԵՒԱՆ, «ՓանԱրմինիըն».– Բրիտանական «Լեկադում ինսթիթիութ» կազմակերպութիւնը հրապարակած
է աշխարհի ամէնէն բարգաւաճող երկիրներու «Փրոսփերիթի ինտեքս» տարեկան վարկանիշը: Հայաստան
ցանկին մէջ 95րդն է՝ 142 երկիրներու մէջ: 2012 թուականի վարկանիշին հետ բաղդատելով՝ Հայաստան
այս տարի իր կացութիւնը բարեւալած է երեք դիրքով։ Վերջնական արդիւնքը կատարուած է
հիմնուելով կարգ մը բաժանմունքներու վրայ։ Տնտեսական վիճակով Հայաստան յայտնուած է 116րդ
դիրքին վրայ, ձեռնարկատիրութեան պայմաններով՝ 75րդ, պետական կառավարման՝ 89րդ, կրթութեան՝
42րդ, առողջապահութեան՝ 87րդ, անվտանգութեան՝ 65րդ, անձի ազատութեան 117րդ, հանրային
դրամագլուխով՝ 129րդ: Ցանկին մէջ առաջին դիրքի վրայ է Նորվեկիան, երկրորդ՝ Զուիցերիան։
Անկէ ետք կու գան Քանատան, Շուէտը եւ Նիւ Զիլանտան։ Աշխարհի մէջ ամէնէն վատ դիրքերը
ունին Աֆղանիստանը՝ 139 հորիզոնական, Քոնկոն՝ 140, Կեդրոնական Ափրիկեան Հանրապետութիւնը՝
141, Չատը՝ 142րդ: Ըստ ցանկին, Ռուսիան 61րդ դիրքի վրայ է, Ատրպէյճանը՝ 81, Վրաստանը՝
84, Թուրքիան՝ 87: