Неадукаванасць і беднасць у цэнтры ўвагі Папскай акадэміі навук
На сувязь паміж “фізічным
харчаваннем” і “харчаваннем ментальным” звярнуў увагу кардынал Пітэр Тарксан, старшыня
Папскай рады “Iustitia et pax” выступаючы перад удзельнікамі форума “Хлеб і мозг,
адукаванасць і беднасць”. Ён праходзіць 4-6 лістапада 2013 г. у Ватыкане па ініцыятыве
Папскай акадэміі навук. Паводле ганскага пурпурата, каб разарваць сувязь паміж беднасцю
і неадукаванасцю недастаткова толькі навуковых дасведванняў і сацыяльнай палітыкі
накіраванай на паляпшэнне адукацыі і ўзроўню харчовай бяспекі. “Неабходна таксама
нанава адкрыць сэнс хрысціянскага гуманізма, заснаванага на салідарнасці і братэрстве”,
- сказаў ён.
Адна з мэтаў форума, у якім прымаюць удзел эксперты ў розных дысцыплінах
заключаецца ў звароце ўвагі на заганную сувязь паміж беднасцю і недахопам адукацыі
з аднаго боку і на важнасць навуковых адкрыццяў для барацьбы з беднасцю з іншага.
Кардынал
Тарксан падкрэсліў, што ўсе гэтыя аспекты блізка звязаны з тэмамі сацыяльнага навучання
Каталіцкага Касцёла, такімі як фундаментальныя правы і патрэбы чалавека, годнасць,
справядлівасць, мір і дыялог. На яго думку, ватыканская канферэнцыя засяродзіцца на
аспектах, якія перажылі значнае паляпшэнне, могуць даць надзею і паспрыяць практычным
рашэнням тэрміновых і драматычных выклікаў, якія сёння тычацца неадукаванасці і беднасці.