Indi: fanatikët hinduistë sulmojnë të krishterët me akuzën e kthimeve të detyruara
në fenë e Krishtit
Një grup të krishterësh u sulmua të hënën e kaluar, nësa po lutej, nga fanatikë hinduistëë
grupit radikal “Bajrang Dal” në Kalva, shteti indian i Maharashatrës. Sipas njoftimit
dhënë nga organizata “Catholic Secular Forum” (Csf) agjencisë Fides, një grup prej
35 militantësh hinduistë, të armatosur me shkopinj e shufra hekuri hyri me forcë
në sallën e bashkësisë protestante “Asambleja e Zotit”. Fanatikët nisën t’i rrahin
e t’i grabisin të gjithë besimtarët e pranishëm, duke i akuzuar për kthime të detyruara
në fenë e krishterë. Katër të krishterë mbetën të plagosur rëndë dhe përfunduan në
spital. Është hera e katërt që sulmohet kjo sallë gjatë liturgjisë. E të katër herët
policët e caktuar për ta ruajtur, nuk ia dolën t’i ndalojnë fanatikët e tërbuar.
Fondamentalistët po bëjnë çmos për ta polarizuar shoqërinë mbi baza fetare, për
shkaqe pastërtisht politike, në prag të zgjedhjeve të përgjithshme në Indi, që priten
të organizohen më 2014. Bashkësia e krishterë kërkon nga qeveria të garantojë mbrojtjen
e kishave dhe të sallave të lutjes së të krishterëve dhe t’i dënojë ashpër ata, që
përpiqen të ndezin konfliktin ndërmjet besimtarëve të feve të ndryshme.