Papa Françesku: Bekimi i të vdekurve në Varrezën e Veranos
Të lutemi: O Atë, i vetmi burim i shenjtërisë, mahnitës në
të gjithë shenjtorët e tu, bën ta arrijmë edhe ne përsosurinë
e dashurisë sate, për të kaluar nga kjo sofër eukaristike, që
na mban në këmbë gjatë shtegtimit tokësor, në gostinë festive të qiellit! Nëpër
Krishtin Zotin tonë! R/ Amen!
Nësa vizitojmë varrezën, vendpushim
i vëllezërve tanë e motrave tona të vdekura, ta përtërijmë besimin tonë në Krishtin
e vdekur, të varrosur e të ngjallur për shëlbimin tonë. Edhe trupat e vdekur do të
rizgjohen ditën e fundit, e ata, që u përgjumën në Zotin, do të jenë pranë Tij në
ngadhënjimin mbi vdekjen. Me këtë siguri, i lartojmë njëzëri Atit lutjen tonë të ngushëllimit
e të bekimit, e edhe lutjen që, pas perëndimit të secilit nga ne, të mundemi, të gjithë,
që jemi këtu, të takohemi para Zotit të gëzimit të amshuar.
Lutja e bekimit Bekuar
qofsh, o Hyj, Atë i Zotit tonë, Jezu Krishtit. Në mëshirën tënde
të madhe na rilinde përmes ngjalljes së Jezusit nga të vdekurit për
një shpresë të gjallë një trashëgimi, që nuk kalbet, as nuk prishet; dëgjoje
lutjen tonë! Po ta lartojmë për gjithë të dashurit tanë, që e lanë këtë
botë: “Hapi krahët e mëshirës sate e pranoi në bashkësinë e lumnueshme të
Jeruzalemit të Shenjtë. Ngushëlloi ata që vajtojnë nga dhimbja
e ndarjes me sigurinë se të vdekurit jetojnë në Ty e se edhe trupat,
që i besohen sot tokës, do të marrin pjesë, një ditë, në fitoren
e Pashkëve të Birit tënd”. Ti, që në udhën e Kishës, vure si shenjë të ndritshme
të Lumen Virgjër Mari, me ndërmjetësinë e Saj përforcoje fenë tonë, premto
që asnjë pengesë të mos na bëjë të dredhojmë rrugën, e cila na çon tek Ti, gëzim
i pambaruar. Nëpër Krishtin, Zotin tonë R/ Amen.
Pas
lutjes, Papa bekoi varret. Jepjua, o Zot, pushimin e pasosur, e
i ndritët drita e pambaruar! Pushofshin në paqe.Amen!