Касцёл атрымае чатырох
новых благаслаўлёных. 31 кастрычніка 2013 г., падчас сустрэчы з кардыналам Анджэла
Амата, прэфектам Кангрэгацыі па справах Кананізацыі, папа Францішак зацвердзіў шэраг
дэкрэтаў аб прызнанні мучаніцтва і гераічнасці цнотаў некаторых кандыдытаў да хвалы
алтароў. Было пацверджана мучаніцтва за веру румынскага біскупа Антона Дуркавіча,
нязломнага сведкі Евангелля ў часы антырэлігійнага пераследу ў Румыніі. Нягледзячы
на пагрозы з боку камуністычнага рэжыму, ён працягваў наведваць каталіцкія дыяцэзіі
і абвяшчаць Божае слова. У 1949 г. быў арыштаваны і змешчаны ў бухарэстскую турму,
дзе загінуў 10 снежня 1951 г.
Таксама Пантыфік зацвердзіў дэкрэты аб гераічнасці
цнотаў трох законніц: с. Аноры Нэйгл з Ірландыі, с. Чэлестыны Батэга з ЗША і с. Вольгі
ад Маці Божай з Італіі.
Сястра Анора Нэйгл жыла ў XVIII ст., заснавала манаскую
кангрэгацыю і прысвяціла жыццё працы з моладзю, асабліва беднай. Сястра Чэлестына
Батэга таксама заснавала жаночую манаскую супольнасць. Яна прысвяціла жыццё служэнню
былым вязням, бездомным і бедным. Сястра Вольга ад Маці Божай жыла ў ХХ ст. Яна вяла
містычнае жыццё, цэнтральным элементам якога была адарацыя Найсвяцейшага Сакрамэту.