Կոչ Սուրիահայերուն. Պատուաստուիլ Մանկական Անդամալուծութեան Դէմ։
Սուրիոյ մէջ կը սպառնայ մանկական անդամալուծութեան (poliomyelitis) համաճարակը: Առողջապահութեան
համաշխարհային կազմակերպութիւնը կոչ ըրած է Սուրիոյ հարեւան երկիրներուն կանխարգելիչ
միջոցմներ ձեռնարկել` հիւանդութեան տարածումը կանխելու համար: Մանկական անդամալուծութիւնը
հաշմանդամութիւն յառաջացնող անբուժելի հիւանդութիւն է: Հայաստանի առողջապահութեան նախարարութիւնը
յորդորած է վերջին մէկ ամսուան ընթացքին Հայաստան ներգաղթած սուրիահայերուն՝ մինչեւ 15
տարեկան երեխաները ներկայացնել բնակութեան վայրի բուժարան` հիւանդութիւնը յայտնաբերելու
եւ անվճար պատուաստումներ ստանալու համար: Հայաստանի մէջ մանկական անդամալուծութեան դէպք
չէ եղած արդէն 17 տարիէ ի վեր: