Святы Пасад прызначыў Апостальскага камісара для манаскай супольнасці
Кангрэгацыя па справах
Інстытутаў кансэкраванага жыцця і Таварыстваў апостальскага жыцця прызначыла біскупа
Луіджы Мартэла Апостальскім камісарам для ўсіх супольнасцяў Кангрэгацыі Служак Божага
Провіду, галоўная сядзіба якой знаходзіцца ў Бішэлье, у італьянскім рэгіёне Апулія.
Прызначэнне было неабходным у сувязі з нядаўнімі трывожнымі навінамі аб бягучым фінансавым
стане жаночай манаскай супольнасці і фонду, які ёй належыць. Рашэнне Святога Пасаду
было прынята ў інтарэсах работнікаў, занятых на аб’ектах, што належаць фонду, і для
падтрымкі жыцця кангрэгацыі і яе апостальскай дзейнасці.
Кангрэгацыі Служак
Божага Провіду была заснавана кс. Паскуале Ува ў 1922 г. Супольнасць займаецца дапамогай
“самым бедным з бедных”, ад якіх адмовіліся іншыя, гаворыцца на яе сайце. Апрача Італіі
Служкі Божага Провіду працуюць у Аргентыне, Перу і Парагваі.