Në audiencën e sotme të përgjithshme, pas katekizmit, Papa bëri thirrje për paqe në
Irak:“Ju ftoj të luteni për kombin e dashur irakian, të tronditur ditë për ditë
nga ngjarje tragjike dhune, që të gjejë rrugën e pajtimit, të paqes, të unitetit
e të stabilitetit”. Duke përshëndetur shtegtarët e gjuhës arabe e, posaçërisht,
të ardhurit nga Iraku, Ati i Shenjtë tha: “Kur ndjeni pasiguri, përhumbje
e deri dyshime në udhën e fesë, përpiquni t’ia besoni veten ndihmës së Zotit përmes
lutjes bijnore e, njëkohësisht, të gjeni guximin dhe përvujtërinë për t’ia hapur zemrën
tjetrit. Sa gjë e bukur është ta ndihmoni njëri-tjetrin në aventurën mahnitëse të
fesë! Zoti ju bekoftë!”. Pas audiencës së përgjithshme, Papa Françesku
përshëndeti një delegacion zyrtarësh irakianë, me përfaqësues të grupeve të ndryshme
fetare, që përbëjnë pasurinë e vendit. Shoqërohej nga kardinali Toran, kryetar i Këshillit
Papnor për Dialogun Ndërfetar.